पब्लिक समाचार

३ हप्ता अगाडि / ५४  पटक हेरिएको

१.हामी
हामी त
वर्षाभरी ओछ्यानमा पानी परेका मान्छे
हिउँदभरी जाडोमा कुना सरेका मान्छे
गर्मिभरी आगनमा हावा भरेका मान्छे
हामीसँग मात्र दुइ थोक छ ।
एउटा भोट छ
अर्को नागरिकता छ
जस्लाई
आफु भिजेर जोगाएका छाँै
आफु चिसिएर तताएका छाँै
कहिले काहीँ मान्छे खोज्दै आउने
मान्छेहरुलाई देखाउनको लागि
हामी त
मलाई म नचाहिने मान्छे
ऊ लाई ऊ नचाहिने मान्छे
तर
मलाई ऊ चाहिने मान्छे
उलाई म चाहिने मान्छे
हामीसँग अरु पनि छ
जस्तो कि
हजुरले थमाइदिनु भएको तमासुक
हजुरको आदेशमा गोली थापी दिने छाती
हजुरको भाषणमा ताली बजाइदिने हात
हजुरको झुट पत्याइदिने हिम्मत
हामीलाई थाह छ हजुर
हामीले भोट हालेर परिवर्तन हुँदैन
हजुरको सबै कुरा झुट हो
यसो कहिले कहीँ
चुनाब कै नाममा भए पनि
मुख फेर्न पाईन्छ भनेर
पत्याइदिएका हाँै ।
हामी आफैले उकास्न नसकेको जीवनस्तर
हजुरले कहाँबाट सक्नु

गोठकृष्ण ठकुरी
त्रियुगा न.पा.–३ उदयपुर

सोमबार, साउन ०५, २०७७मा प्रकाशित गरिएको
प्रतिक्रिया दिनुहोस
सम्बन्धित खबरहरु
हाम्रो बारेमा

उदयपुरका जागरुक युवाहरुको पहलमा संचालनमा आएको यस पब्लिक समचार अनलाइन पत्रिकाले “विश्वसंग उदयपुरलाइ  जोड्ने” अभियान अन्तर्गत बिभिन्न समाचार , विचार , लेख , रिपोर्ट , अन्तर्वार्ता आदि बिषय साइटमा समेट्दै आएको छ ।पत्रकार र पत्रकारिताका मूल्य र मान्यतासँग बिषम परिस्थितिमा समेत सम्झौता नगरी हरेक क्षेत्रका स्वस्थ र सन्तुलित समाचार पाठकहरुका उद्धेश्य र रुचि अनुसार पस्किने हाम्रो प्रयास सदा सर्वदा रहने छ ।

सम्पर्क

१.कार्यालय : त्रियुगा नगरपालिका ११,गाईघाट
२.समाचार शाखाः ९८४२८२८०२८
३.ईमेल :[email protected]
४.विज्ञापन तथा सुचनाको लागि :९८०३३२२०२२
५.ईमेल:[email protected]